Thursday, April 8, 2021

အိုဟ်တၟိုဟ်ကေတ်မဒါန်ကုသဵု ဖဵုထံက်ပၚ်သၚ်မန်ကတ်ပညာသိရဳလၚ်္ကာ


အိုဟ်တၟိုဟ်ကေတ်မဒါန်ကုသဵု ဖဵုထံက်ပၚ်သၚ်မန်ကတ်ပညာသိရဳလၚ်္ကာ

သက္ကရာဇ်ဍုၚ် ၁၃၈၂ သၞာံ ဂိတုဖဝ်ရဂိုန် (၁၂)စွေက် တ္ၚဲဗြဴဗ္တိ (၀၈၊ ၀၄၊ ၂၀၂၁) ၀ွံ နာဲဆာန်မွဲ + မိအမ်သဝ် (မိဃေန်ယှိုဲ) ကွာန်ကလအ် ပွိုၚ်ဍုၚ်ရေဝ် ခေတ္တ-ဍုၚ်အမေရိကာန် ရန်တၟံသွက်သ္ဂောံဒှ်အာ မဗီဇကုသဵုပညာပါရမဳ ဒတုဲဖဵုလောကဳ လောကုတ္တဵုတုဲ ကဵုဒါန်ထံက်ပၚ်သြန် ကုသၚ်မန်မကတ်ဒၟံၚ်ပညာ ဍုၚ်သိရဳလၚ်္ကာ မွဲဇကုမ္ဂး ($50) ဒဝ်လာ၊ သၚ်ဗၞတ် (၂၅) ဇကု နကဵုလၟိဟ်သြန် ($1,300) ဒဝ်လာ မဒှ်ရ။
ဖဵုဂွံကဵုလဝ်ဒါန်ထံက်ပၚ်ဝွံ နာဲဆာန်မွဲ+မိအမ်သဝ် (မိဃေန်ယှိုဲ) အတိုၚ်ကသပ်မချပ်လဝ် ပရေၚ်ပညာလောကဳလောကုတ္တဵုၜါပြကာ ကဵုသ္ဂောံဍိုက်ပေၚ်တုဲ ကဵုဂွံသ္ဂောံဒှ်ဒၟံၚ် တသိုက်စိုတ်တသိုက်ကာယလၟိုန်ညိ ကၞောတ်တဲမဂ်ညာန်ဖဵုညာန် ဍုၚ်ဇၞော်နိဗ္ဗာန်ကဵုက္လိဂွံညိ ပိုယ် ဂကောံသၚ်မန်ကတ်ပညာသိရဳလၚ်္ကာတံ မ္ဒးသ္ပဏာပတ္ထနာရ။
နိဗ္ဗာန ပစ္စယော ဟောတု။






 

0 comments:

Post a Comment