Wednesday, September 11, 2013

ဒါနပညာ တၠဂုဏ်အ္စာသိရဳပဝရ

ဗီုရုပ်တၠဂုဏ်အ္စာသိရဳပဝရ (တ္ကအ်သ္ကုတ်) ဗ္ဂိန်ဒၟံၚ် ဝတ္ထုဒါန် ကုတၠဂုဏ်အ္စာသာသန



ပၞောဝ်လျးအရံၚ်တံဂှ် လျးအရံၚ်ပညာမွဲ တၟးအိုတ်၊ တုပ်တဴသာ်ဂှ်ကီုရ လျးအရံၚ် ပညာသုတေသန M.Phil. & Ph.D. ပ္ဍဲဇၟောဝ်ခေတ်တ္ရဲဏံလေဝ် သၠုၚ်အိုတ် ပြဲအိုတ် ညးလောကတအ် ဒုၚ်လဝ်တဲရ။ ၜိုန်ဂှ်လေဝ် ပညာဂတာပ်ခေတ်ဏံဝွံ ပ္ဍဲဂကူမန်ပိုယ် ဟွံတၟးပြာကတ်ကွေံကွေံတုဲ ဇြိုၚ်သ္ဂောံဆဵုကေတ်မာန်ရ။
အခိၚ်လၟုဟ်ဏံ ကောန်ဂကူမန်ပိုယ်လေဝ် ဒးကတ်လ္ရတ်ထေက်ရောၚ် ကောန်ဂကူ မန်ပိုယ်လ္ရဵုလ္ရဵုတအ် စှေ်လဝ်စိုတ်သာ်ဏံတုဲ ညးတံ လွဳၜံၚ်ကၠုၚ် ကွးဘာ M.Phil. & Ph.D. တအ်တုဲ ကဵုကၠုၚ်ထံၚ်ပၚ် နဒဒှ်ခရိတ်တိုန်ဘာ(scholarship)ရ။ ပၞောဝ်တအ်ဂှ် တၠဂုဏ်အ္စာသိရဳပဝရ(တ္ကအ်သ္ကုတ်) လေဝ် ပါလုပ်မွဲဇကုကီုရ။ တၠဂုဏ်အ္စာဝွံ သဒ္ဓါစေတနာ လေဝ် သၠဲလး ၊ စိုတ်ဓါတ်ဆာန်ဂကူ ဘာသာ သာသနာလေဝ် ဇၞော်လောန်ဂှ်ရ သြန်ထံၚ်ပၚ် သွက်ဇကု ဂွံတိုန်ဘာဂှ် ဟွံရပ်စပ်စကာမွဲသာ် သၠးကဵုဏာဒါန် ထံက်ဏာပၚ် ကုကွးဘာ ညးမတိုန် M.Phil. & Ph.D. နကဵု Singapore Dollar (၃၀၀) ပ္ဍဲစၟတ်တ္ရဲ (၂၅၊ ၀၈၊ ၂၀၁၃) တုဲ တၠဂုဏ်အ္စာသာသန(ဖိုၚ်စိၚ်) ညးစၞးဂကောံသၚ်မန်ကတ်ပညာသိရဳလၚ်္ကာဏံ ဒုၚ်ကေတ်တဲ ဗွဲမအိုဟ်တၟိုဟ် တၚ်ဂုဏ်တုဲရ။

    ဟိုတ်ဂှ်ရ "ဒါနဏံဂှ် ဒှ်တၞိန်ထဝ် သွက်သွဝ်ဂွံတိုန်အာ၊ ဒါနဏံဆံၚ် ဒှ်ဂၠံၚ်တရဴ လ္ဂူတဴနိဗ္ဗာန်ကၠာ" ဒါန်ဂှ် တုပ်သၟဟ်ကဵုတၞိန်ထဝ် သွက်သ္ဂောံတိုန်အာ ဍုၚ်သွဝ် ဘုံလ္တူလ္တူတေံကီု၊ ဆဂှ်ရောဟွံကဏီ ဒါန်ဂှ် ဒှ်ဂၠံၚ်တရဴ မလ္ဂူတပ်အာကဵု ဍုၚ်ဇၞော်နိဗ္ဗာန် ဋ္ဌာန်မသြိုဟ်ပလိုတ်ကၠေံ ဒဒိုက်ဝဋ်သံသာရောၚ်။

0 comments:

Post a Comment