Sunday, September 1, 2013

သဘၚ်ကောံဓရီုကၠောံသၞာံ မရနုက်ကဵု (၂၁) ဝါ၊ ၂၀၁၃။




ပ္ဍဲသက္ကရာဇ်သာသနာ ၂၅၅၇ သၞာံ၊ သက္ကရာဇ်ဍုၚ် ၁၃၇၅ သၞာံ၊ ဂိတုခ္ဍဲသဳ (၇) စွေက်၊ တ္ၚဲဗုဒ္ဓဝါ၊ (28,08,2013) ဂှ် ဂကောံသၚ်မန် ကတ်ဗ္တောန်ပညာသိရဳလၚ်္ကာဂမၠိုၚ် သ္ပသဘၚ်ကောံဓရီု ကၠောံသၞာံ ပ္ဍဲဌာန - ဘာမန်၊ ဍုၚ်အနုရာဓပုရ၊ ကၟိန်ဍုၚ်သိရဳလၚ်္ကာ-ရ။
သဘၚ်ကောံဓရီုကၠောံသၞာံဝွံ ကၠောန်ကၠုၚ်မံၚ်လၟေၚ်ၚ်သၞာံတုဲ လၟုဟ်ကၠုၚ်စိုပ်မရနုက်ကဵု (၂၁) ဝါတုဲရ။ ပ္ဍဲအခိၚ်နူဂယး (၇ ၊ ၁၀) မိဏေတ်ဂှ် စပံက်အသေအဟာန် နကဵုဂါထာ နမော တဿ (၃) ဝါတုဲ ပ္ဍဲအခိၚ် (၉၊ ၂၀) မိဏေတ်ဂှ် ကောံဓရီုသ္ကုတ်ပထမ အာစိုပ်ဒတုဲရ။ ပ္ဍဲအခိၚ် (၁) နာဍဳကလေၚ် ပယာံတ္ရဲစေၚ်ဂှ် စကောံဓရီုသ္ကုတ်ဒုတိယပၠန်ရ။

တၚ်နၚ်ကောံဓရီုကၠောံသၞာံဝွံ
  •   ကလေၚ်သ္ၚဳဂၠိပ် ကမၠောန်သၞာံတုဲတုဲကၠုၚ်တေံ ကမၠောန်မအံၚ်ဇၞးလဝ် မပ္တံကဵု ပံက်ဒက်ပတန်လဝ် သြန်ဂကောံထံက်ပၚ် M.Phil & Ph.D ကီု၊ ပံက်ကၠုၚ်လဝ် website: www.monstudentslk.com ကီု၊ တုဲပၠန် ကမၠောန်အံၚ်ဇၞးဇၞော်အိုတ်မွဲပၠန်ဂှ် ဓရ်ညဳသာ ကောန်ဂကောံသၚ်မန်ကတ်ပညာ သိရဳလၚ်္ကာ ပ္ဍဲသၞာံ ၂၀၁၃ တအ်ဂမၠိုၚ်ရ။
  •  ဒုၚ်တၠုၚ် ကေုာံ  ဆက်မိတ် သၚ်မန်ကတ်ပညာသိရဳလၚ်္ကာ မစိုပ်ကၠုၚ်တၟိ (၁၀) ဇကုဂမၠိုၚ်ကီု၊
  •  ပူဇဴထံက်ပၚ် ကုသၚ်မန် မအံၚ် M.A / B.A  ပ္ဍဲသၞာံ ၂၀၁၂ ကီု၊
  • ကလေၚ်ရုဲစှ်ဂကောံကမ္မတဳတၟိ သွက်သၞာံ ၂၀၁၃-၁၄ ကီု၊
  •  ချပ်သဳကၠဳ ကမၠောန်အဓာန်ဂတ မပ္တံကဵု ကဵုထံက်ပၚ် ကုညးမတိုန်တန် M.Phil / Ph.D နကဵုသြန် ထာဝရနိဓိ ကေုာံ သြန်ဂကောံထံက်ပၚ် M.Phil & Ph.D ကီု၊ ကာလတမ်လိခ်ပေၚ်စုၚ်ရုမ်ဂပ်မ္ဂး (သွက်ဂွံကၠောန်လိက်ကၞပ်-ဂျာနေဝ်)တက်ြတးပ္တိတ်လိခ်ကၞပ်တအ်ဂှ် ပါလုပ်လၟိဟ်အိုတ်ရ။
ပ္ဍဲကဵုသၞာံ ( ၂၀၁၃ ) ဝွံ သၚ်မန်ကတ်ပညာသိရဳလၚ်္ကာ သီုဖအိုတ် နွံဒၟံၚ် (၄၃) ဇကုရ။ ပၞောဝ် (၄၃) ဇကုတအ်ဂှ် တိုန်စိုပ်ပေဲါကောံဓရီု (၄၀) ဇကု ဗွဲမမိပ်မြဟ်တုဲရ။ ပ္ဍဲအခိၚ် (၆) နာဍဳ (၅၅) မိဏေတ်ဂှ် ပေဲါကောံဓရီု အာစိုပ်ဒတုဲ ဗွဲမအံၚ်ဇၞးတုဲ အုပ်ကၠေံနိဂီု နကဵုဂါထာ ဇယန္တော (၃) ဝါရောၚ်။ 

နာဲဝရဓမ္မော

0 comments:

Post a Comment