Wednesday, February 6, 2013

ကြဳဇှ်ကျာ်တြဲ ပြဲအိုတ်ပ္ဍဲလိုက်


 ကြဳဇှ်ကျာ်တြဲ      ပြဲအိုတ်ပ္ဍဲလိုက်


နွံကဵုလျးတၟး                       သ္အးဇ္ၚးလောန်သန်
လျးသာ်အရှိုဏ်                  တၟးတိုန်ကၠုၚ်ပၠန်၊
ပျးလုံလောက                    ကဵုတသိုက်ဇန်
လျးသၟိၚ်တ္ၚဲ                        ဆာဲပ္ဍဲလိုက်ဨကန်။

စိုပ်အခိၚ်ဗ္တံ                        ရံၚ်စမ်အာကာ
သၞံၚ်နက္ချတ်တအ်                ပသ္ကအ်ပေၚ်အာ၊
နလျးၜိုဟ်သြိုဟ်                 ဆာဲကိုဟ်ဖျေံဏာ
ဂိတုတၟး                            အကးရံၚ်သာယာ။

 ယဝ်ပေၚ်ဇဳသာ်                  တိဍာ်ဍုၚ်နန်
ဂၞကျာ်မှောၚ်မှ                    ဆပၞာန်ကၞိပ်ပန်၊
သၞာ်ၝောံကိုဋ်က္ဍိုၚ်               ကယျိုၚ်ဂၠိုၚ်သန်
သၟိၚ်တၠနာဲ                         သ္ဂောံဆာဲလဒေါဝ်ဇန်။

ဒ္ဂေတ်စရိုတ်ခိုဟ်                 သပ္ပုရိုဟ်ကၠာ
ချပ်ကၠောန်ဟီုဂး                 ဒးရးသေၚ်ဟာ၊
ဇျာန်သမာဓိ                      သ္ဂောံဂ္ညိကျိုၚ်မာ
အရှန်ဂေါဝ်                       ဗဵုလ္ၚောဝ်ဆာဲလောန်အာ။


လျးသၟိၚ်တ္ၚဲဗၠာဲ                    ရာၚ်ဆာဲခိၚ်တ္ၚဲ
ဂိတုဗ္တံလ္ဟိၚ်                         သၟိၚ်ဆာဲပၞာန်ပြဲ၊
          အရှန်ဆာဲမာန်                   လုပ်ဇျာန်မွဲမွဲ
ကျာ်တြဲဆာဲ                       သပ္ပါဲသီုဗ္တံတ္ၚဲ။

ဟွံမွဲပ္တောံၜတ်                     ဟံၚ်သတ်ဂၠိုၚ်နဲ
ဗ္တံတ္ၚဲဟွံဟီု                         ရီုဗၚ်မၚ်မွဲ၊
ဣဒ္ဓိကြဳဇှ်                           ဒယှ်လောန်ပြဲ
ဂုဏ်ကျာ်တြဲ                      ပြဲအိုတ်ပ္ဍဲလိုက်မွဲ။  


ဂါထာမနိဿဲ -

ဒိဝါ တပတိ အာဒိစ္စော                  ရတ္တိမာ ဘာတိ စန္ဒိမာ
သန္နဒ္ဓေါ ခတ္တိယော တပတိ   ၊          ဇျာယဳ တပတိ ဗြာဟ္မဏော
အထ သဗ္ဗမဟောရတ္တိံ                  ဗုဒ္ဓေါ တပတိ တေဇသာ
တာဒိသံ တေဇသမ္ပန္နံ           ၊         ဗုဒ္ဓံ ဝန္ဒာမိ အာဒရံ။            

                                                                  
                                                                  
                                                နာဲသုနန္ဒ (ကအ်ယက္ခ)

0 comments:

Post a Comment