Friday, December 28, 2012

အကြီုဂုဏ်ဒါန နာဲစန္ဒသာရ

အကြီုဂုဏ်ဒါန နာဲစန္ဒသာရ

  ဘိက္ခုနာမ စန္ဒသာရ
ကၠအ်သတ်ကွာန်မန် ဒတန်ဌာန
ဘာခရိုဟ်ရ သ္ပတဴမူလ
ပွိုၚ်မုဟ်ဍုၚ် ပ္ညုၚ်တွဵုရးမည။
 
နူဌာန်ဍုၚ်မန် ရန်တၟအ်ပညာ
ကညစိုပ်ကၠုၚ် ဍုၚ်တ္ကအ်လၚ်္ကာ
ကေလနိယ တက္ကသဳလာ
တန်လုပ်သှ် ဒှ်မဟာဝိဇ္ဇာ။
 
လ္ၚီပိကၠံသၟဟ် ထပှ်စှော်ပန်
မြေက္ကသဵုဂံက် ပိမံက်ဂေတ်လန်
ဗ္တံတ္ၚဲအဒိုတ် ဂိုတ်ပ္တုဲဒါန်သြန်
ဒဝ်လာရ မသုန်ကၠံဟွံခၠန်။

ရန်တၟအ်ညးဂး ဒးရးလောန်တၟေၚ်
ကဵုရာန်ကပေါတ် ဟွံဍောတ်ၚုဟ်သေၚ်
ခမ်ပျူတာစက် သွက်သၚ်မန်ဟေၚ်
ဂွံစကာ ပ္ဍဲကာသၚ်လၟေၚ်လၟေၚ်။

ဂုဏ်ဒါန်ညးဂှ် သၚ်ဒှ်တသိုက်
ဂတာပ်စိုတ်ကီု အိုတ်သီုကာလိုက်
ဟွံဒးဍောတ်စိုတ် ဟိုတ်ညးယိုက်ဒိုက်
သမ္ပတိ ကဵုက္လိဂွံထေက်ကြိုက်။

ဒါန်ဒှ်ဗဳဇ ဇွောံမသံသာ
ညာဏ်ပညာပျး ကဵုတၟးဇးအာ
ဇၟာပ်ဘဝဒှ် ကြဳဇှ်ပညာ
ကဵုဇၞော်တိုန် ကွိုန်စရာဲသုခါ။ ။

 ဂကောံသၚ်မန်ကတ်ပညာသိရဳလၚ်္ကာ 


    တၠဂုဏ်အ္စာစန္ဒသာရ ဝွံ ရန်တၟံသွက်ဂကောံသၚ်မန်တံ ဂွံရပ်စပ်သုၚ်စောဲခမ်ပျူတာ ပ္ဍဲအရာ ကာကမၠောန်ဂကောံ ဗွဲမပြဟ်ပြေဟ်ဂတာပ်ကဵုစိုတ်မာန်တုဲ ပ္ဍဲကဵုသက္ကရာဇ်၁၃၇၄-သၞာံ၊ ဂိတုမြေက္ကသဵု ၃-မံက်၊ တ္ၚဲအဒိုတ်ဂှ် နကဵုဓရ်သဒ္ဓါ၊စေတနာကေဝ်ဇြုၚ်သၠုၚ်ပြဲ ဗ္ဂိန်သၠးကဵုဒါန် သြန်ဒဝ်လာ ၅၀၀ ကုဒုဥက္ကဋ္ဌ ဂကောံသၚ်မန်ကတ်ပညာသိရဳလၚ်္ကာ တၠဂုဏ်အ္စာသူရိယကုမ္မာ (စၞးဂကောံ) မဒှ်ရ။ ဂကူမန်ပိုယ်တံလေဝ် အိုဟ်တၟိုဟ်ကေတ်မဒါန် တၠဂုဏ်အ္စာစန္ဒသာရတုဲ သြဝ်ဟီုဗြုဒုၚ်ကေတ်သာဓုကာအိုတ်ညိအဴ။

0 comments:

Post a Comment