Friday, October 5, 2012

သဘၚ်ကောံဓရီုကၠောံသၞာံ (၂၀၁၂)



ပ္ဍဲ သက္ကရာဇ်သာသနာ ၂၅၅၆ သၞာံ၊ သက္ကရာဇ်ဍုၚ် ၁၃၇၄ သၞာံ၊ ဂိတုခ္ဍဲသဳ ပေၚ်၊ တ္ၚဲသိုက်၊ (31,08,2012) ဂှ် ဂကောံသၚ်မန် ကတ်ဗ္တောန်ဒၟံၚ်ပညာ ပ္ဍဲဍုၚ်သိရဳလၚ်္ကာဂမၠိုၚ် သ္ပသဘၚ်ကောံဓရီု ကၠောံသၞာံ ပ္ဍဲ ဌာန - ဘာမကုဋာရာမ၊ ဍုၚ်ကောလမ္ဗ၊ ကၟိန်ဍုၚ်သိရဳလၚ်္ကာ ရ။
သဘၚ်ကောံဓရီုကၠောံသၞာံဝွံ ကၠောန်ကၠုၚ်မံၚ်လၟေၚ်ၚ်သၞာံတုဲ လၟုဟ်ကၠုၚ်စိုပ်မရနုက်ကဵု (၂၀) ဝါ မဒှ်ရ။
လၟေၚ်ကောံဓရီုကၠောံသၞာံဝွံ
(က) ကလေၚ်သ္ၚဳဂၠိပ် ကမၠောန်သၞာံတုဲတုဲကၠုၚ်တေံကီု၊
(ခ) ဒုၚ်တၠုၚ် ဆက်မိတ် သၚ်မန်ကတ်ပညာဂမၠိုၚ်မစိုပ်ကၠုၚ်တၟိကီု၊
(ဂ) ပူဇဴထံက်ပၚ်ကုသၚ်မန်အံၚ်ဇၞးလိက် သၞာံ ၂၀၁၁-၁၂ ကီု၊
(ဃ) ကလေၚ်ရုဲစှ်ဂကောံကမ္မတဳတၟိသွက်သၞာံ ၂၀၁၂-၁၃ ကီု၊
(ၚ) ချပ်သဳကၠဳ ကမၠောန်အဓာန်ဂတကီု ပါလုပ်လၟိဟ်အိုတ်ရ။

ပ္ဍဲသၞာံ ၂၀၁၂ ဝွံ ကောန်ဂကောံသၚ်မန်ကတ်ပညာ မကၠုၚ်စိုပ်တၟိတံဂှ် နွံၚ်မံၚ် လၟိဟ် (၁၂) ဇကုရ။ သၚ်မန်စိုပ်တၟိတံဂှ် ဆက်မိတ်ကုဂကောံသၚ်ဂမၠိုၚ်တုဲ ဟီုဂလာန် မိတ်စိုတ်တၚ်ဂုဏ်အိုတ်ရ။ သၚ်မန် သၞာံတြေံဂမၠိုၚ်​လေဝ် အိုဟ်တၟိုဟ်စိုတ်တုဲ ဒုၚ်တဴသာဓုကာညဳညဳသာသာအိုတ်ရ။
ပ္ဍဲကဵုသၞာံ (   ၂၀၁၂ ) ဝွံ သၚ်မန် ကတ်ဗ္တောန်ဒၟံၚ်ပညာ ပ္ဍဲဍုၚ်သိရဳလၚ်္ကာ သီုဖအိုတ် နွံဒၟံၚ် (၃၄) ဇကုရ။
ပ္ဍဲသၞာံဏံဝွံ နူဘာတက္ကသိုလ်ဗဳဖဳယူ (B.P.U) ဂှ် ကၠိဂွံတဆိပ်ြကာဒံက်တာ (Ph.D) မွဲဇကု မၞုံယၟု တၠဂုဏ်အ္စာညာဏိန္ဒ (ကွာန်ကြုက်ပိ)၊ တန်အာမ်အေ (MA) အံၚ်အာ(၇)ဇကု၊ တန်ဗဳအေ (BA) အံၚ်အာ (၂) ဇကု။ နူတက္ကသိုလ် ကေလာဏဳယျ (kelaniya) ဂှ် တန်အာမ်အေ (MA) အံၚ်အာ (၁၀) ဇကုရ။ ပၞောဝ်သၚ်မန် အံၚ်လိက် (၁၉) ဇကုဂှ် ပူဇဴထံက်ပၚ် ပတိုန်ဏာဂုဏ်စရာဲ အတိုၚ်သၞောဝ် ဂကောံမဖျေံလဝ်ဂှ်ရ။
ပ္ဍဲကဵုသၞာံဏံ ဗွဲတၟေၚ် တၚ်ကောန်ဂကောံတံ တုပ်စိုတ်ဒုၚ်လဝ်တဲဂှ် (၁) ဝါပ်သိုက် ဂကောံ သၚ်မန်ကတ်ပညာသိရဳလၚ်္ကာ ဂွံက္တဵုဒှ်ကၠုၚ်မာန် (၂) သွက်ဂွံထံက်ပၚ်သၚ်မန် ကတ်လ္ၚတ်တန် အမ်ဝှေဲ (M.Phil) ဒံက်တာ (Ph.D) တအ်မဒှ်ရ။ အတိုၚ်တၚ်တုပ်စိုတ်ဝွံ ညံၚ်ဂွံအံၚ်ဇၞး ဍိုက်ပေၚ်မာန်ဂှ်လေဝ် ကောန်ဂကောံသၚ်မန်ကတ်ပညာသိရဳလၚ်္ကာဂမၠိုၚ် ဂစာန်ပ္တိတ်မံၚ်ဇြဟတ် ဖိုဟ်ရ။

1 comments:

  1. I CAN NOT READ AND WRITE MON WORDS FROM FACEBOOK SOMEBODY CAN HELP ME?

    ReplyDelete